Կանանց դերը փոքր քաղաքային և գյուղական համայնքներում սահմանափակված է կենցաղային պարտականությունների կատարմամբ։ Իրականում, երբ մենք խոսում ենք հասարակության մեջ կանանց և տղամարդկանց հավասար իրավունքների և հնարավորությունների մասին, չպետք է աչքաթող անենք հավասար զբաղվածության հնարավորությունների մասին։ Հայաստանում կանայք միջինում վաստակում են ավելի քիչ, քան տղամարդկանց 66 տոկոսը։

Կանայք ունեն իրենց սեփական գաղափարները զարգացնելու և դրանք կյանքի կոչելու ներուժն՝ ինչով և նպաստում են զարգացած և ներգրաված հասարակություն հասկացության կայացմանը։

Կարևորելով կանանց տնտեսական ազատականացումը` «Հասարակություն առանց բռնության» ՀԿ-ն փորձում է գործնականում ցույց տալ դրա հնարավորությունը։ Համայնքներում պետք է լինեն կանայք, ովքեր իրենց օրինակով կոգեշնչեն մյուսներին, ցույց կտան այն հնարավորությունները, որոնք կան։

Կազմակերպությունը մտադիր է տարբեր համայնքներում կանանց տնտեսապես ազատականացման նախաձեռնությամբ հանդես գալ, որի նպատակը ոչ թե կանաց ֆինանսապես օժանդակելն է, այլ հզորացնելը, որ նրանք հավատան իրենց ուժերին և նախաձեռնեն տարբեր ձեռներեցություններ։

Առաջին կինն ում օրինակով ցանկանում ենք փոփոխություն բերել իր համայնքում, դա Աննան է, ով իր ընտանիքի հետ բնակվում է Ճամբարակում։

Մի շարք միջոցառումների ընթացքում ֆոնդհայթայթման աշխատանքների արդյունքում հավաքված գումարով կարի մեքենա և անհրաժեշտ իրեր ենք գնել Աննայի համար։

Շուտով համայնքում շատերը կտեսնեն Աննայի կարած տարբեր հագուստները, իրերը։ Եթե դուք էլ ունեք դերձակի կարիք, դիմե՛ք Աննային ։)